22-24 მარტი, 2012 წელი, ქ. მუმბაიში ინდოეთის საინჟინრო რესურსების მოზიდვის შოუ
2012 წლის 22-24 მარტს ქ. მუმბაიში, საინჟინრო ექსპორტის ხელშეწყობის საბჭოს (Engineering Export Promotion Council) ორგანიზებით, გაიმართება "ინდოეთის საინჟინრო რესურსების მოზიდვის შოუ" (India Engineering Sourcing Show).
ღონისძიების ფარგლებში გათვალისწინებულია:
პროდუქტების, ტექნოლოგიების, ინოვაციების და ინდური კომპანიების საუკეთესო მიღწევების გამოფენა;
მიმწოდებლების გამოვლენა ისეთი სტრუქტურებისთვის, როგორიცაა: თავდაცვა, რკინიგზა, ენერგეტიკა, ტელეკომუნიკაციები, ინფრასტრუქტურა და სხვა.
საქმიანი ურთიერთობების დამყარება და ცოდნის გაზიარება უცხოელ და ინდოელ დელეგაციებს შორის, პიდაპირი (B2B) ბიზნეს ურთიერთობების დამყარების გზით;
საინვესტიციო შესაძლებლობების შესწავლა;
სუფთა და ინოვაციური ტექნოლოგიების ეფექტური მეთოდების შესწავლა და სხვა.
დაინტერესების შემთხვევაში გთხოვთ, მოგვმართოთ საქართველოს სავაჭრო-სამრეწველო პალატაში ელექტრონულ მისამართზე: info@gcci.ge
